Til baka
Stjórn & nefndir
Lög
Sögubrot
Nafnalisti
Lögreglugrín
Tenglar
Myndasafn
Fréttir
   
   
   
 
Fréttir 2003

Haldið niðri Ctrl lyklinum og smellið á "Refresh" í vafranum til þess að sjá nýjustu útgáfuna af vefsíðunni.
 
 
  15.12.2003
  L.S. fékk nýlega frábæra gjöf, en þar var um að ræða hafsjó af fróðleik um Varnarstöðvarnar á Íslandi og má þar nefna margar frábærar ljósmyndir af byggingu og rekstri V.L., sumar einstakar og eru þær sumar frá því í síðustu heimstyrjöld og geyma mikin fróðleik um varnarstöðvarnar og starfssemina á svæðinu.

Fyrir hönd L.S. er Friðþóri Eydal, upplýsingafulltrúa V.L. færðar hlýjar þakklætiskveðjur.

Myndir frá Varnarstöðinni, Varnarstöðinni við Hornafjörð og við Heiðarfjall á austurlandi. (KK)
 
  10.12.2003
  Nýársfagnaður L.S. - Sjá auglýsingu!
 
  10.12.2003
 

Skotkeppni L.S. ,,Jónasarmótið " var haldið þann 29. nóvember 2003 . Þátttaka var mjög góð og mættu 17 skyttur til leiks og árangur efstu manna frábær. Sigurvegari varð þjálfarinn sjálfur, Björn Sveinsson með 100% árangur.
Í öðru sæti var Friðrik K. Jónsson með 99,20 % og í þriðja sæti var Sigurbergur Theodórsson einnig með 99,20 %. Keppninn tókst mjög vel og um kvöldið var hóf, þar sem sigurvegurum og mótstjóra voru afhent vegleg verðlaun. Sjá myndir. (KK)
 
  28.10.2003
  Búið er að versla inn af L.S. góð tæki fyrir setustofu lögreglunnar við FLE; húsgögn, ný TV heimabíó, gervihnattabúnað og verið er að skanna flestar myndir inn og undirbúa skreytingu á veggjum. L.S er mjög ánægt með þennan aðbúnað sem við nú höfum þarna. (KK)
 
  29.09.2003
  Vinnunefndir L.S. og sýslumanns, skipuð þeim Óskari Þórmundssyni, yfirlögregluþjóni, Birni Bjarnasyni og Gunnari Schram aðstoðaryfirlögregluþjóni, en frá L.S.: Kristjáni Kristjánssyni, formanni, Guðjóni St. Garðarssyni, varaformanni og Sigurbergi Theodórssyni, hefur fundað að undanförnu um flest þau mál sem stjórn hafði kynnt fyrir sýslumanni,m.a. um skreytingu á aðstöðu lögreglumanna, reglur, fræðslu, vinnustaðasamninga, samstarf milli manna, tækjakaup, fjáröflun, árshátíð og fl. og fl.

Fundirnir sem fóru fram 24. og 25. sept. 03 voru að mati formanns árangursríkir og fóru fram í mjög góðu andrúmslofti og var vel tekið í allar okkar óskir og ekki annað að skilja á viðsemjendum okkar, en að það væri sameiginlegur vilji aðila að setja vinnustaðinn og móralinn þar í öndvegi, átak þetta verður sameiginlegt. Hafi aðilar þakkir fyrir. (KK)

Mynd frá fundinum.
 
  27.09.2003
  Mynd frá heimsókn lögreglunnar á Keflavíkurflugvelli til Aðmírálsins.
 
  30.06.2003
  A vaktin fór í sumarferð á lengsta degi árssins, farið var á sjóstöng, skotkeppni Glock, grillað, pottast, keppt í spjóti, kúlu og kringlu,borðað og slakað á. Farið heim upp úr kl. 23:00, en þá var búið að vera að frá kl. 15:00 . Dagurinn heppnaðist vel og var veðrið frábært. (KK) Smellið hér til að sjá myndir frá sumarferðinni.
 
  04.06.2003
  Þann 3. júní 03 þáði lögreglan á Keflavíkurflugvelli boð aðmírálsins RDML J.J.Waickwicz að skoða varnarstöðina.

Ferðin var sérlega vel heppnuð og mjög fróðleg, auk góðrar matarveislu þar sem voru æðstu yfirmenn hersins. Þá var farið í heimsókn til margra deilda varnarstöðvarinnar og okkur sýnt hvað þar væri gert og flugvélar og stjórnstöðvar skoðaðar.

Það var einkar ánægjulegt að vera vitni að því hversu alþýðlegir þessir menn eru, opnir og lausir við alla yfirborðsmennsku, glaðværðin og áhugi fyrir landi og þjóð sveif þarna yfir vötnum.
Formaður L.S. var mjög ánægður með boðið og telur að kynni sem þessi séu mjög af hinu góða og hafi viðkomandi þakkir fyrir. Myndir frá heimsókninni. (KK)
 
  29.05.2003
  Gámar hafa verið settir upp sem eru 180 m2 og verða notaðir næstu 2 ár sem lögreglustöð alm. lögr. við FLE. Sjá myndir. (KK)
 
  04.05.2003
  Aðalfundur L.S. fór fram í Skálanum þann 23.apríl síðastliðinn. Fundarstjóri var Guðjón St. Garðarsson og fundarritari Eiríkur Sigurjónsson. Ný stjórn tók við völdum á aðalfundinum, en stjórnarkjör hafði farið fram. Stjórnin hefur þegar komið saman og skipt með sér verkum .

Stjórnin er skipuð eftirtöldum:
Kristján Kristjánsson formaður
Guðjón St. Garðarsson varaformaður
Eiríkur Sigurjónsson ritari
Hilmar Th. Björgvinsson gjaldkeri
Skúli Björnsson meðstjórnandi
Til vara Sigurbergur Theodórsson og Annel Þorkelsson

Þá var birt kosning trúnaðarmanns og var Guðjón St. Garðarsson kosinn.

Nokkrar veigamiklar lagabreytingar voru samþykktar, m.a. 5. greinin um stjórnarkjörið, forvalið aflagt og listakosning tekin upp að nýju sem aðalregla, formaður kosinn sér og fl. Þá voru nýjar reglur samþykktar fyrir afmælis og gjafasjóðinn, þar sem allar forsendur hafa breyst og nauðsynlegt var að gera breytingar.

Aðalfundurinn samþykkti að sýna Jónasi Jónassyni þakklætisvott fyrir óeigingjarnt starf fyrir L.S. Ákveðið var að gefa bikar með nafni hans á og láta keppa um bikarinn árlega í skotkeppni milli vakta og eða deilda innan liðssins. Hér má sjá lög félagsins í heild sinni og einnig má sjá myndir frá fundinum. (KK)

 
  18.03.2003
  Þau gleðilegutíðindi eru að gerast að loksins loksins er að rofa til í aðbúnaðarbálum.  Almennadeildin er að fá bráðabirgðahúsrými með viðunandi aðstöðu fyrir bæði kynin, fataskápum, sturtuklefum, skýrslugerðaherbergi, setustofu og borðstofu og fl. Þá er jafnframt verið að setja upp við lögreglustöðina viðbótarhúsnæði fyrir skrifstofudeildina. Þökk sé öllum sem unnu að lausn málsins; ráðuneytinu, yfirstjórn, öryggisnefndinni, form. hennar Guðjóni St. Garðarssyni, vinnueftirlitinu og L.L.

Þá er jafnframt verið að setja upp skotæfingaraðstöðu og er það samvinnuverkefni embættisins og L.S.

Það styttist í aðalfund félagsins, en hann á að vera í aprílmánuði og nú fer jafnframt fram stjórnarkjör í fyrsta skipti samkvæmt nýju lögunum.

Þrátt fyrir annir á tímabilinu þá er formaður þokkalega sáttur við árangurinn og vonar að ný stjórn taki við betra búi en við sem tókum við fyrir tveimur árum.
 
  05.01.2003
  Fréttir frá félagsfundi sem haldinn var 04.01.2003: (stutt lýsing KK)
Félagsfundurinn 4.janúar fór fram í Skálanum og var mæting nokkuð góð. Þá mættu á fundinn góðir gestir, þeir Jóhann R. Benediktsson, sýslumaður og Ellisif Tinna Víðisdóttir, staðgengill hans. Frá L.L. mættu Óskar Bjartmarz formaður og Grétar Jónasson framkvæmdastjóri.
Í lokin mættu margir góðir gestir frá lögreglunni í Gullbringusýslu og fögnuðu nýárinu með okkur samhliða því að kveðja þá H menn og konur sem hafa starfað hér um hríð, þar sem flestir þeirra fara nú í skólann .

Dagskráin var um aðbúnaðarmálin, uppgjör vegna 11. sept. 01, vopnasamning, fastlaunasamning til handa almennudeildinni og fleira.

Formaður gerði grein fyrir stöðunni, en að undanförnu hafa mál gengið hratt og vel fyrir sig í flestum okkar mála, að undanskyldum aðbúnaðarmálum.
Drög að vopnasamningi lágu fyrir, en netfundir höfðu staðið yfir undanfarna tvo daga og var samninganefnd L.S. sátt við niðurstöðuna og mælti formaður með að menn skrifuðu undir innihald draganna.
Sýslumaður annaðist kynningu á innihaldi samningsdraganna og voru menn hvattir til að tjá sig um málið. Eftir umræður fór formaður fram á að fundarmenn, sem málið varðaði, þ.e. þeir sem með byssur hafa gengið frá 11.sept. 01 greiddu um það atkvæði, með handauppréttingu hvort þeir styddu stjórnina í að ganga frá samningnum, fór sú atkvæðagreiðsla þannig að þeir sem afstöðu tóku samþykktu allir að styðja stjórnina í að ganga frá málinu, enginn var á móti. Guðjón St. formaður öryggisnefndar embættisins, gerði grein fyrir stöðu aðbúnaðarmálanna og hvar þau mál stæðu nú.
Þá var gerð grein fyrir uppgjörsmálum vegna hins umtalaða 11. september. Lítur stjórnin svo á að þau mál séu frágengin.
Hálftímamálið var kynnt og tjáðu sig um það Óskar Bjartmarz og Tinna, en ljóst er að einn félagsmaður verður að stíga fram fyrir skjöldu og höfða mál á launagreiðanda/launadeild til að fá það mál á hreint, en L.L mun sjá um málið.
Tillögur voru kynntar um aðbúnaðarmálin og verða þær skoðaðar með velvilja.
Fastlaunasamnings tillögur voru reifaðar af formanni og kynnti hann sýna framtíðarsýn á að hinar ýmsu deildir ynnu meira og nánar saman eins og samheldin skipshöfn, þá vakti hann athygli á hversu miklar breytingar hefðu orðið í þjóðfélaginu og hversu miklar annir væru orðnar hjá lögreglunni, samhliða kröfu um aukna þjónustu og jafnframt kröfu um sparnað, það væri því löngu orðið tímabært að líta til vinnutíma lögreglunnar í RVK , í Frankfurt og víðar í Evrópu.
Með fastlaunasamningi og að vaktafrí yrðu virt, þá yrðu það miklar breytingar að mönnun liði vel í vinnunni og kæmu ánægðir heim og smitaði það því út frá sér með því að veikindadögum fækkaði og væri það sannfæring formanns að við myndum stíga mikið framfara spor ef af þessu gæti orðið. Sýslumaður gat þess að málið væri þess eðlis að það hefði mikla kosti að gera fastlaunasamninga og var 10. febrúar nefndur sem tímamörk.
Formaður L.L kynnti þau mál sem voru samþykkt á síðasta þingi og kynnti áhersluatriði stjórnar L.L . Þá ræddi Grétar framkvæmdastjóri um ýmis mál, m.a. hversu nauðsynlegt væri að vanda sig við frágang samninga um vopnaburð, einkum með tilliti til tryggingamálanna. Það er mat formanns að fundurinn hafi tekist mjög vel í alla staði .

Í lokin mættu margir góðir gestir frá lögreglunni í Gullbringusýslu og fögnuðu nýárinu með okkur samhliða því að kveðja þá H menn og konur sem hafa starfað hér um hríð, þar sem flestir þeirra fara nú í skólann og var gaman að sjá hversu margir tóku þátt í fagnaðinum í lokin, við söng og undileik Guðmundar Hermannssonar trúbadors.

Fundarstjóri var Guðjón St. Garðarsson og fundarritun annaðist Eiríkur Sigurjónsson. (KK)

Smellið hér til að sjá myndir frá fundinum.