Mjög góð þátttaka var á ,,jólasveininum", sú mesta hingað til og fengu allir þátttakendur jólagjöf en fyrstu þrír fengu áramótatertur og sakamálabókina sem lögreglumenn gefa út. Grillað var í Jónasarskála og voru menn þakklátir og sáttir.

Tvær góðar myndir bárust til mín fyrir stuttu og er önnur þeirra frá stríðsárunum: Hvalfjörður og varnarstöð þar. Sami staður sem olíustöð og birgðarstoð NAT0 í dag. Sendist í möppu varnarstöðvar á Íslandi. Kveðja, KK.

Mynd 1      Mynd 2

Þessari frétt fylgja fáeinar myndir af vetrarfagnaði L.S., sem var haldinn þann 3. des. 04. Fagnaðurinn var vel sóttur og komu m.a. hópur lögreglumanna víða að í heimsókn. Ó.B. formaður L.L. kynnti það helsta sem L.L. ætlar að leggja áherslu á í nýjum kjasamningi.
Grillpinnar voru á borðum, ásamt snittum og drykk. Þá var spilað á gítar og sungið og dvalið í góðu atlæti fram á nótt. (KK)

Mynd 1     Mynd 2     Mynd 3     Mynd 4

Aðalfundur L.S. fór fram þann 26. apríl og var vel mætt eða um 40 % félagsmanna. Fundurinn fór vel fram og voru umræður fjörlegar. Mikið var fjallað um þá breytingu sem nú er orðin á gömlu lögreglufélögunum í framhaldi af nýjum lögum LL, þar sem félögin breytast í deildir og á hverju svæði verði ein deild.

Samþykkt var að fresta aðalfundinum þar sem hann hafði staðið yfir vel á fjórða tíma og var orðið heitt í sumum fundarmanna. Einkum var spurt um hvort ekki væri kominn tími á að við segðum skilið við heildarsamtökin og yrðum sér, þar sem við værum einu lögreglumennirnir sem værum undir öðru ráðuneyti en öll önnur embætti.

Formaður lagði fram uppkast að nýjum lögum fyrir L.S. þar sem gert væri ráð fyrir því að við yrðum áfram innan LL. Eftir langa umræðu þar sem m.a. formaður sagðist vel skilja umræðuna og hefði í reynd verið komin á þessa niðurstöðu einnig, vegna ægivalds Reykjavíkurliðssins en af 5 greiddum hlutum vegna stjórnarstarfa kæmu 4 í hlut LR félaga. Þetta væri fyrir utan fasta starfsmenn á skrifstofu LL Formaður L.S. greindi frá því að það væri meira en 1,85% af föstum launum sem rynnu í LL, því ma. rynni í sjóð sem LL stjórnaði 0,22% af öllum launum til Stall og þar væri ýmislegt sem ekki væri vanþörf á að breyta, meðal annars kom fram í máli formanns að flest annað en nám við lögregluskólann væri styrkhæft.

En þrátt fyrir allt þá teldi hann að þótt króinn sem var skapaður í skjóli nætur á þinginu og hann líkti við Michael Jackson væri vægt til orða tekið meingallaður, þá legði hann til að við yrðum innan raða LL og vonandi gætum við látið breyta þeim vanköntum sem þar væru.

Niðurstaðan var sú að aðalfundinum var frestað og ákveðið að halda hann seinna, þar sem heitt var orðið í kolunum.

Framhaldsfundurinn fór fram þann 14. maí 2004 og voru ný lög L.S. samþykkt með öllum atkvæðum fundarmanna. Umræður urðu fjörugar einkum varðandi Stall og tjáðu sig margir fundarmenn um málið, þar sem ljóst væri að reglur þær sem í gildi eru hjá Stall væru mjög gallaðar. Skoruðu fundarmenn á GSG sem situr í stjórn Stall að reyna að koma þessum skilaboðum inn á borð þeirra sem þarna starfa.

Formaður hvatti fundarmenn til þess að tjá sig í skrifuðu máli á vef Guðm. Fylkis hjá LR. En hann hefur opnað á skoðunarskipti um reglur Stall .

Þá kynnt hann sömuleiðis tillögu sína um Stall sem hann hafði lagt fyrir þing LL, en skýrði jafnframt frá því að nefnd þingsins hefði vísað málinu til stjórnar Stall, en málið var hins vegar það að fyrri stjórn Stall tók þessa tillögu ekki einu sinni fyrir og var þungt í formanni yfir þessum vinnubrögðum sem þarna væru viðhöfð.

Hann gat þess einnig að hann skyldi nú betur en áður þá gagnrýni sem FÍR hefði haft uppi í gegnum árin og var ósáttur við útkomuna á þinginu, en þrátt fyrir allt teldi hann betra að við yrðum í samfloti með öðrum lögreglumönnum á landinu.

Jafnframt var keppt um veglegan bikar sem Unnsteinn Jóhannsson og Hjalti H. Sigurðsson fyrrum lögreglumenn hér höfðu gefið fyrir margt löngu, en þar sem skotsveitin hafði legið niðri á annan áratug var nú keppt í fyrsta sinn um bikarinn og verður hann sveitabikar þar sem efstu 3 af hverri vakt/deild/skrifstofu verða lagðir saman og samanlögð efstu skor notuð til að finna sigurvegarana.

Sigurvegarar í sveitarkeppninni og handhafar bikarins 2004 er C vakt . Keppendur voru Óskar Halldórsson aðalvarðstjóri. Friðrik K. Jónsson varðstjóri. Jón Sveinsson lögreglumaður.
Um kvöldið fór fram verðlauna afhending og gerðu viðstaddir sér glaðan dag í Skála L.S.